Plantun de Prouvènço

Pèr coumpara dos planto d'encò nostre

Anchusa undulata & Leptodon smithii

Anchusa undulata

Boraginaceae

Nom en français : Buglosse à feuilles ondulées.

Descripcioun :
Aquesto planto, pulèu raro, douno d'èr à la lengo-de-biòu, mai trachis dins l'an. Se rescountro dins lis ermas riche en azoute. Se n'en destrìo bonodi si flour un pau mai pichoto e d'un blu mai sourne. Li fueio soun peréu oudado.

Usanço :
Couneissèn pas d'usanço pèr aquesto planto, pamens tant se poudrié que siguèsse manjadisso en vertuouso coume sa cousino.

Port : Grando erbo
Taio : 20 à 100 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Anchusa
Famiho : Boraginaceae

Ordre : Ordre pas nouma

Coulour de la flour : Bluio
Petalo : 5
Ø (o loungour) flour : 0,6 à 1 cm
Flourido : Printèms

Sòu : Ca
Autour basso e auto : 0 à 600 m
Aparado : Noun
Abriéu à mai

Liò : Ermas - Tepiero - Camin
Estànci : Mesoumediterran
Couroulougi : Mediterrano-altanlico
Ref. sc. : Anchusa undulata L., 1753

Crosso-de-Smith

Leptodon smithii

Neckeraceae

Nom en français : Leptodon de Smith.

Descripcioun :
Aquelo mousso pluroucarpo trachis majamen sus li pège d'éuse e de roure. Douno de mato plato pu o mens grando, li tijo soun un à dous cop penado. Bagnado fai de tijo plato alor que seco douno de crosso que sèmblon pièi de cascavèu. La fueio èi redouno-óublougo emé de bord lisc. La costo fai aperaqui li tres part dous de la longour de la fueio.

Usanço :
I'a pas trop pèr s'engana emé la crosso-de-Smith que se recounèis pulèu bèn. Es uno meno proun coumuno au nostre e dins lou relarg mediterran. Au contre devèn raro à l'uba, pèr acò èi marcado sus listo roujo categourìo LC valènt à dire soucit minour.